संघर्ष, जिद्द आणि मेहनतीच्या जोरावर अडेगावच्या रुतिका विठ्ठल रेचनकर तिचे यश.

जिल्हा परिषद प्राथमिक शिक्षिका पदी निवड ज्या शाळेतून शिक्षणाची सुरुवात, त्याच शिक्षण क्षेत्रात आता घडवणार भावी पिढी.

🌍महाराष्ट्र लाईव्ह न्युज🌍

🌀प्रतिनिधी :- शरद कुकुडकार

गोडपिपरी:- संघर्ष, जिद्द, चिकाटी आणि कठोर मेहनतीच्या जोरावर अडेगाव येथील रुतिका विठ्ठल रेचनकर यांनी आपल्या कर्तृत्वाची नवी ओळख निर्माण केली आहे. चंद्रपूर जिल्हा परिषद अंतर्गत प्राथमिक शिक्षिका पदी त्यांची नियुक्ती झाल्याने अडेगाव गावात आनंदाचे आणि अभिमानाचे वातावरण निर्माण झाले आहे.रुतिका यांनी आपल्या प्राथमिक शिक्षणाची सुरुवात अडेगाव येथील जिल्हा परिषद शाळेतून केली. त्यानंतर त्यांनी दलित मित्र वि. तू. नागपुरे डी.एड. कॉलेज, गोंडपिपरी येथे पुढील शिक्षण पूर्ण केले. शिक्षण घेत असतानाच शिक्षक होण्याचे स्वप्न त्यांनी मनाशी बाळगले आणि ते साकार करण्यासाठी सातत्याने प्रयत्न सुरू ठेवले.शिक्षिका होण्याचे ध्येय समोर ठेवून रुतिका यांनी स्पर्धा परीक्षेची तयारी जिद्दीने केली. स्पर्धेतील चढाओढ आणि विविध अडचणींचा सामना करत त्यांनी अभ्यासाचे योग्य नियोजन, सातत्यपूर्ण प्रयत्न आणि कठोर मेहनतीच्या जोरावर यश संपादन केले. अखेर त्यांच्या मेहनतीला यश मिळाले आणि प्राथमिक शिक्षिका होण्याचे स्वप्न साकार झाले.ज्या शाळेतून शिक्षण घेतले, त्याच क्षेत्रात सेवा करण्याची संधीरुतिका यांच्या यशाचे विशेष वैशिष्ट्य म्हणजे त्यांच्या शैक्षणिक प्रवासाची सुरुवात ज्या जिल्हा परिषद शाळेतून झाली, त्याच शिक्षण क्षेत्रात आता त्या शिक्षिका म्हणून भावी पिढी घडविण्याचे कार्य करणार आहेत. ग्रामीण भागातील विद्यार्थ्यांसाठी त्यांचा हा प्रवास निश्चितच प्रेरणादायी ठरणारा आहे.परिस्थिती कोणतीही असो, ध्येय निश्चित असेल, मनात जिद्द असेल आणि त्यासाठी प्रामाणिकपणे मेहनत करण्याची तयारी असेल, तर यश मिळवता येते, हे रुतिका यांनी आपल्या कर्तृत्वातून सिद्ध करून दाखवले आहे.शिक्षक आणि पालकांच्या योगदानालाही सलामविद्यार्थ्यांच्या यशामागे त्यांच्या मेहनतीसोबतच त्यांना योग्य दिशा देणारे शिक्षक, मार्गदर्शक आणि पालक यांचेही मोठे योगदान असते. प्राथमिक शिक्षणापासून विद्यार्थ्यांच्या मनात शिक्षणाची गोडी निर्माण करून त्यांना योग्य मार्गदर्शन करणारे शिक्षक तसेच प्रत्येक अडचणीच्या काळात खंबीरपणे पाठीशी उभे राहणारे पालक यांचे योगदानही या यशामध्ये महत्त्वाचे आहे.रुतिका यांच्या यशामुळे अडेगावच्या शैक्षणिक लौकिकात भर पडली असून, “ग्रामीण भागातील जिल्हा परिषद शाळेतून शिक्षण घेऊनही मोठी स्वप्ने पूर्ण करता येतात” हा आत्मविश्वास गावातील विद्यार्थ्यांमध्ये निर्माण झाला आहे.चंद्रपूर जिल्हा परिषद प्राथमिक शिक्षिका पदी नियुक्ती झाल्याबद्दल रुतिका विठ्ठल रेचनकर यांचे मनःपूर्वक हार्दिक अभिनंदन!तसेच रुतिका यांना घडविणाऱ्या सर्व शिक्षकवर्गाचे, मार्गदर्शकांचे आणि पालकांचेही मनःपूर्वक अभिनंदन!त्यांच्या पुढील वाटचालीस हार्दिक शुभेच्छा! त्यांच्या ज्ञानातून, संस्कारातून आणि कर्तृत्वातून अनेक विद्यार्थी घडावेत, त्यांच्या हातून समाजाची उत्तम सेवा घडावी आणि अडेगाव गावाचे नाव उज्ज्वल व्हावे, हीच मनःपूर्वक सदिच्छा.